الاختلافات بين المعايير2

لم تقدم المعايير الدولية نموذج لشكل الميزانية أو قائمة الدخل (خلى بالك إن مصطلح حساب المتاجرة وحساب الأرباح والخسائر لم يعودا مستخدمين).المعايير الأميركية قالت إن الميزانية مبوبة أو غير مبوبة يتم ترتيب بنود الحسابات فيها حسب السيولة. أما قائمة الدخل فيتم إعدادها بطريقة الخطوة الواحدة (كل الإيرادات – كل المصروفات) أو الخطوات المتعددة حسب كل نوع من الإيراد.

الاختلافات بين المعايير1

الاختلافات بين المعايير الدولية وتلك الأميركية:
الأسم: تلاحظ سيادتك ان المعايير الدولية وان كان محتواها كله محاسبة الا ان الاسم لم تذكر فيه الكلمة مطلقا وأختير تعبير فضفاض financial reporting أما الأميركية فهى صريحة accounting standards (خلى بالك من النقطة دى)
الأخوة الأفاضل فى برايس ووتر هاوس بحثوا 73 موضوع أساسى فى المحاسبة وتقصوا الإختلافات بين جوز المعايير و كانت النتيجة…………………..
وجود 14 تطابق و25 إختلاف جزئى و34 إختلاف كلى
طيب هل هذا يعنى إن نانسى زى روبى؟؟؟
أول موضوع بحث كان هيكل المعايير.المعايير الأميركية أعتبرت أن القيمة التاريخية تمثل شرف المحاسبة الذى لا يجوز العبث به ولا أسيلت الدماء على قدميه (خلى بالك من النقطة دى أيضا). أتت المعايير الدولية وقالن احنا معايير سبور فاعتمدت القيمة التاريخية لكن سمحت باعادة تقييم الاصول غير الملموسة والثابتة والاستثمارات باستخدام القيمة السوقية (ياعينى)

دولى أم أمريكانى

لما يجى حد بيصور بكاميرا بينطلق ضوء فلاش. كان زمان ممكن المصور يضرب فلاش بس من غير مايصور وفى هذة الحالة يطلق عليه بيصور “أمريكانى”.
هذا الكلام لاينطبق بتاتا على معايير المحاسبة. ومن باب العلم فيه المعايير الدولية (اللى ماشية موضة اليومين دول) وفيه معايير المحاسبة المتعارف عليها وهذة الأخيرة صناعة أمريكية وعلى حد علمى لا تطبق خارج الولايات المتحدة الأمريكية. وفى هذا الشأن يثار سؤالين: ما هى أوجه الخلاف وأيهما الأفضل؟

بتوع الحسابات

دايما تلاقى أخوانا المديرين وبتوع المبيعات والفراشين يقولوا على الناس اللى بتشتغل فى مهنة المحاسبة ” الحسابات” . وده ان كان ينطبق على مندوبى المبيعات اللى ممكن تسميهم ” المبيعات” الا انه لاينطبق على المحاسبين. دايما تسمع ان الورقة دى راحت الحسابات لو مدير الحسابات مش مالى بدلته وفى أحيان قليلة “الأدارة المالية” لوماليها
ما علينا. مهنة المحاسبة من المهن النادرة اللى بتتعامل مع الحقيقة المجردة من خلال الأرقام التى لاتكذب وإنما يكذب أنصاف الكتبة والأفاقون ولاعبى الثلاث ورقات بقوائم الدخل والميزانيات